Алматыда түнгі уақытта полиция қызметкерлерінен қашқан көлік ұсталды
АЛМАТЫ. KAZINFORM — Тәртіп сақшылары жүргізуші куәлігі жоқ 2006 жылғы азаматты ұстады.
Әлеуметтік желіде полиция көлігі түнгі уақытта жеңіл көлікті қуып жүрген бейнежазба тарады.
Алматы қаласы Полиция департаментінің мәліметінше, оқиға 10 наурыз күні 03:00 шамасында Шаляпин және Алтынсарин көшелерінің қиылысында болған. Департамент бейнежазбадағы көлік көп ұзамай ұсталғанын хабарлады.
— 2006 жылғы көлік жүргізушісі жол жүру ережелерін өрескел бұзғандықтан, полиция қызметкерлері оны тоқтатқан. ҚР Әкімшілік кодексі 612-баптың 2-тармағы бойынша хаттама толтырылып, көлік айыптұраққа қойылды. Белгілі болғандай, көлікті басқарған азаматтың жүргізуші куәлігі жоқ, — деп хабарлады полициядан.
Еске салайық, бұған дейін Алматыда 1 аптада тағы 500 мопед тіркелгенін жазғанбыз.
