Алматыда тұрмыстық қалдықтарды купонға айырбастау акциясы өтіп жатыр

Алматыдағы іс-шара
Фото: Кәсіпкерлік және инвестициялар басқармасы

АЛМАТЫ. KAZINFORM – Алматыда «Таза Қазақстан» экологиялық науқаны аясында «Қоқысты кофе/снэкке айырбаста» акциясы өтіп жатыр.  

Алматы қаласы Кәсіпкерлік және инвестициялар басқармасының мәліметіне сәйкес, 15 сәуір мен 30 сәуір аралығында алматылықтар екі тоннадан астам (2 310 кг) қайталама шикізат өткізіп, 1 435 купон алған. 

Тұрмыстық қатты қалдықтарды қабылдау пунктері 1 мамыр күні мемлекеттік мерекеге орай жұмыс істеген жоқ. Бүгін қайта жанданған науқан аясында Алматы тұрғындары қайта өңделетін қоқыстарды 8 мамырға дейін купонға айырбастай алады.

қоқысты айырбастау
Фото: Кәсіпкерлік және инвестициялар басқармасы

«Қоқысты кофе/снэкке айырбаста» акциясы қалдықтармен байланысты мәселелер мен оларды қайта өңдеудің маңыздылығы туралы хабардар болуға бағытталған. Қатысушыларға макулатура, пластикалық бөтелкелер, алюминий банкалар, шыны бөтелкелерді қоса алғанда, қайта өңдеу үшін өз бетінше белгілі бір мөлшерде қайталама шикізат жинау ұсынылады. 

Жиналған материалдар қайталама шикізатты қабылдау пункттеріне келесі мекенжайлар бойынша тапсырылады:

1. Алатау ауданы, Ecosen, Нұркент шағынауданы, 7/1

2. Алмалы ауданы, Ecosen, Байзақов көшесі, 73/1

3. Әуезов ауданы, Kazakhstan Waste Recycling, 8-ші шағынаудан, 58а 

4. Әуезов ауданы, Kazakhstan Waste Recycling, Аксай-3 ш/а, 1а/1 

5. Бостандық ауданы, Kazakhstan Waste Recycling, Тимирязев көшесі, 81/3, дүңгіршек

6. Бостандық ауданы, Ecosen, Розыбақиев көшесі, 247/3

7. Медеу ауданы, Kazakhstan Waste Recycling, Самал-1 ш/а, 32-дүңгіршек

8. Медеу ауданы, Hello Eco экотауарлар дүкені, Самал-2 ш/а, 56А үй

9. Жетісу ауданы, Қазыбаев көшесі, 264а (Карина Trading)

10. Наурызбай ауданы, Райымбек даңғылы, 548/2

11. Түрксіб ауданы, Жас Қанат ш/а, 1/28

«Қоқысты кофеге/тағамға айырбастаңыз» акциясы туралы 2 ГИС қосымшасынан тиісті мекенжайлардың тізімін көруге болады. Әр материал үшін купонның бес түрі ұсынылады: пицца, бургер, кофе, донер және додстер. 

Купондардың 2024 жылдың 8 мамырына дейін жарамды.

Соңғы жаңалықтар
telegram