Алматыда ветеринарлық қызметтің автопаркі жаңартылды
Алматыда қаңғыбас жануараларды аулау үшін жаңа техникалар сатып алынды, деп хабарлайды Kazinform.
Алматы әкімдігінің мәліметінше, 2023 жылы 22 желтоқсанда Алматы қаласындағы «Қалалық ветеринариялық қызмет» ШЖҚ КМК үшін борттық платформасы бар 12 жеңіл жүк көлігі, 2 трицикл, трактор, аулау қызметінің жұмысшыларын тасымалдауға арналған жолаушылар автобусы және жеңіл автокөлік сатып алынған.
«Қазіргі уақытта аулау қызметіне 6 автокөлік жұмылдырылды, оның ішінде 2022 жылы сатып алынған JAC маркалы 3 арнайы көлік пен 2013 жылы шыққан Hyundai Porter маркалы 3 көлік жұмылдырылды», - деп хабарлады әкімдіктің баспасөз қызметі.
Қаңғыбас жануарларды аулауға арналған көліктер қаладағы барлық ауданға жіберіледі. Бекітілген бригадалар аудандық әкімдіктермен жасалған меморандумға сәйкес келіп түскен өтінімдерді пысықтайтын болады.
