Алматыда жер сілкінісіне қатысты жалған ақпарат таратқан күдікті әйел ұсталды
АЛМАТЫ. KAZINFORM – Алматы полициясы жер сілкінісі туралы жалған ақпарат таратқан күдіктіні анықтап, ұстады.
Алматы қалалық Полиция департаментінің мәліметінше, күдікке ілінген жас келіншек мессенджерлер арқылы жойқын зілзала болады деп, сағатына дейін айтып елді одан сайын дүрліктірген. Тексерулердің нәтижесі бойынша оның іс-әрекетіне құқтық баға берілетін болады.
«Сондықтан барлық азаматтарға айтатыным, жалған ақпарат таратпаңыздар, таратуға себепкер болмаңыздар. Содан соң әр ақпаратты жіті зерделеп, тек ресми дерек көздерден алынған ақпаратқа қана сенулеріңізді сұраймын, – деді Алматы қаласы Полиция департаментінің ресми өкілі Салтанат Әзірбек.
29 жастағы Ж. есімді азаматшаның кінәсі дәлелденсе, ол ҚР Қылмыстық кодексінің 274-бабына сәйкес, ірі мөлшерде айыппұл төлейді немесе үш жылға дейін мерзімге бас бостандығынан айырылуы мүмкін.
