Алматыда жеті көлік түскен жол апатынан зардап шеккендердің жағдайы қалай
Алматыда Абай даңғылында болған жол апатынан соң төрт адам №7 қалалық клиникалық ауруханаға жеткізілді, деп хабарлайды ҚазАқпарат тілшісі.
Алматы қалалық қоғамдық денсаулық сақтау басқармасының мәліметінше, жол апатынан зардап шеккен бір адам ауруханаға жатқызылған, қалғандарын амбулаториялық емделуге жіберді.
«Бір адам Алматы қаласының № 7 клиникалық ауруханасындағы № 2 нейрохирургия бөлімшесіне жатқызылды. Оған жабық ми жарақаты, жеңіл дәрежедегі ми жарақаты, бастың көгерген жарасы, сондай-ақ, оң тізе буынының жұмсақ тінінің жарақаты диагнозы қойылды. Қалғандары амбулаториялық емделуге жіберілді», - деп хабарлады қалалық қоғамдық денсаулық сақтау басқармасының баспасөз қызметі.
Еске салсақ, бүгін түнде 19 жастағы «каршеринг» жүргізушісі Абай даңғылында тұрақта тұрған алты көлікті соқты.
Салдарынан төрт адам зардап шеккен еді
