Алматыда Жириновскийге ескерткіш орнатыла ма

АЛМАТЫ. KAZINFORM — Ресейдің бұқаралық ақпарат құралында Алматыда саясаткер Владимир Жириновкийге ескеркіш орнатылатыны туралы ақпарат тарады.

Осыған байланысты Алматы қаласының мәдениет басқармасы түсінік берді.

— В.Жириновскийге ескерткіш орнату туралы өтініш түскен жоқ. Алматы қаласының тарих және мәдениет ескерткіштерін қорғау жөніндегі комиссия тиісті ұсынысты қарастырған жоқ, — деп жауап берді Kazinform агенттігінің сауалына басқармадан.

Еске салайық, ЛДПР басшысы Владимир Жириновский 2022 жылы 76 жасында қайтыс болды. 

Бұған дейін 2016 жылы Мәскеуде Жириновскийге 3 метрлік ескерткіш қойылған еді. 

Айта кетейік, ол 1946 жылы Алматыда дүниеге келген.