Алматыда жол қозғалысы ішінара шектеледі

АЛМАТЫ. KAZINFORM – Мегаполисте халықаралық іс-шараның өтуіне байланысты 3 тамыз күні жол қозғалысы ішінара шектеледі.

— Алматы тұрғындары мен қонақтарының назарына! Алматы қаласының полиция департаменті, 2024 жылғы 3 тамызда қалада халықаралық іс-шараның өтуіне байланысты жол қозғалысына ішінара шектеу қойылғаны туралы хабарлайды. Кейбір аймақтарда қозғалысты реттеу болуы мүмкін. Алматы полициясы азаматтарды уақытша шараларды түсініп, кептеліске жол бермеу үшін өз бағыттарын алдын ала реттеуге шақырады, — деп хабарлады департаменттен.

Еске салайық, бұған дейін Алматыда халықаралық Жастар күні қалай атап өтілетінін жазған едік.