Алматыда жол үстінде жүргізушіні аяусыз ұрғандар іздестіріліп жатыр
АЛМАТЫ. KAZINFORM - Әлеуметтік желіде жол үстінде төбелес шығарып, көлік жүргізушісін аяусыз ұрған адамдардың бейнежазбасы тарады. Оқиғаға байланысты Полиция департаменті бұзақылық дерегі бойынша қылмыстық іс қозғады.
Видеоға көлік жүргізушісін бірнеше адамның теуіп жатқаны түсіп қалған.
Аталған жағдайға байланысты Алматы қаласы Полиция департаменті түсініктеме берді.
- Бұзақылық дерегі бойынша қылмыстық іс қозғалды. Оқиғаға қатысушыларды анықтау мақсатында жедел-іздестіру шаралары кешені жүргізілуде. Күдіктілер міндетті түрде ұсталып, жауапқа тартылатын болады. Оқиғаның басқа да мән-жайлары анықталуда, - деп хабарлайды департмент баспасөз қызметі.
Еске салайық, бұған дейін Алматы маңындағы тойда мылтық атқандар іздестіріліп жатқанын жазған едік.
Жедел-іздестіру іс-шараларынан соң құқықбұзушылар ұсталып, уақытша ұстау изоляторына қамалған.
