Алматыда жүк көлігі 7 жасар қызды басып кетті

АЛМАТЫ. KAZINFORM — Алматыда жол-көлік оқиғасынан оқушы қыз мерт болды.

Алматы қаласы Полиция департаментінің мәліметінше, жол-көлік оқиғасы бүгін сағат 12:18–де Алатау ауданында болған. Жүк көлігі Бурундайская көшесімен батыс бағытта келе жатып Новая көшесінің қиылысында жолдан өтіп бара жатқан 7 жасар қызды басып кеткен.

— Өкінішке қарай, бала оқиға орнында қайтыс болды. Адамның өліміне әкеп соққан жол-көлік оқиғасы фактісі бойынша қылмыстық іс қозғалды. Ол бойынша сараптамалық зерттеулер жүргізіледі, — деп хабарлады департаменттен.

Еске салайық, бұған дейін Алматы облысында өртенген көлік ішінен мәйіт табылғанын жазғанбыз.