Алматыда жүкті әйел үйдің 12-қабатынан секіріп кетті
АЛМАТЫ. KAZINFORM – Алматыда жүкті әйел көпқабатты тұрғын үйдің жоғарғы қабатынан секіріп кетті.
Әлеуметтік желіде тараған ақпаратта қайғылы жағдай бүгін, 1 наурыз күні шамамен түскі сағат 12:20 Алмалы ауданында орналасқан «Манхеттен» тұрғын үй кешенінде болған.
Алматы қалалық полиция департаменті аталған фактіні растады.
«Аталған дерек бойынша Алмалы аудандық полиция бөлімі сотқа дейінгі тергеу амалдарын бастады. Оқиғаның мән-жайы анықталады»,-деп хабарлады ведомстводан.
