Алматыдағы үш үлкен саябақ жөндеуден өтеді

АЛМАТЫ. KAZINFORM – Биыл Алматыда Тұңғыш Президент саябағын, «Атакент» мәдени орталығының аумағын және «Южный» саябағын қайта жаңғырту және абаттандырудың жобалық-сметалық құжаттамасы аяқталады. Бұл туралы қала әкімі Ерболат Досаев Бостандық ауданының тұрғындарымен кездесуінде мәлім етті. 

Шаһар басшысы цирк алдындағы, Мұстафин көшесінің бойы мен әл-Фараби атындағы ҚазҰУ студенттер сарайының маңындағы субұрқақтар күрделі жөндеуден өтетінін атап өтті.

Бұған қоса, биыл ақпан айында 50 аула аумағына күрделі жөндеу жүргізу үшін жобалау-сметалық құжаттама әзірлеуге конкурс жарияланды. 

«Абай және Гагарин даңғылдарының қиылысында ауданы 1 га жер учаскесін абаттандыру жұмыстары жалғасып жатыр. Мұнда балалар мен спорт алаңдарын, иттерді серуендету аймақтарын салу, демалуға арналған орындықтар орнату және суару жүйесі бар жасыл желектерді отырғызу жоспарда бар», - деді Ерболат Досаев.

Айтуынша,Тұңғыш Президент саябағын, «Атакент» мәдени орталығының аумағын және «Южный» саябағын қайта жаңғырту және абаттандырудың жобалық-сметалық құжаттамасы аяқталады.