Алматылық жастар есірткіні дәріханалардан сатып алып жатыр
Жаңа адамдар Алматы қаласының дәріханалары бойынша рейд жүргізді. Тексеріс барысында есірткі құралдарының рецептсіз сатылу жағдайлары анықталды, деп хабарлайды Kazinform.
18-20 аралығындағы жастар сатып алушы рөлін сомдаған. Белсенділер жылдам тәуелді болып кету ықтималдығы жоғары болатын дәрілерді рецептсіз сатып алған. Тәуелді адамдар мұндай препараттарды есірткіге балама ретінде пайдаланады. Тексерілген 16 дәріхананың екеуінде қызметкерлер препараттарды рецептісіз сатқан. Осы жағдайлар видеокамераға түсірілді.
Есірткілік және психотроптық әсерді беретін дәрілер көз ауруларын, ұйқысыздықты, психикалық ауытқуларды емдеу және ауырсынуды басу үшін қолданылады. Адамдар мұндай препараттардың құрамындағы есірткілік заттарға тез үйреніп кетуі мүмкін.
Заң бойынша, мұндай препараттардың рецептсіз сатылуына тыйым салынған. Тәуелді жастар осы дәрілердің жағымсыз әсері туралы біле тұра, соларды есірткі ретінде пайдаланады. Көп жағдайда, мұндай «ләззат алу» үшін көп ақша керек емес. Кей кезде фармацевттер рецепттің барын тексеруді ұмытады. Ал кейбір дәріханалар бұны мүлдем істемейді. Тәуелді сатып алушылар арқылы кәсіпкерлер табысын арттырып жатыр.
«Алматыда есірткі мәселесі өзекті күйінде тұр. Жаңа адамдар есірткілік дәрілерді рецептсіз сататын дәріханаларды тексеру үшін қалада тұрақты түрде рейд жүргізеді. Егер заңды бұзатын орынды білсеңіз, мекенжайын пікірге немесе директке жазуыңызды сұраймыз. Біз міндетті түрде сіздің жауабыңызды қарастырамыз», - делінген хабарламада.
Посмотреть эту публикацию в Instagram
