Алматылықтар бір айда 20 мыңнан астам кимейтін киім өткізді
АЛМАТЫ. KAZINFORM – Қалалық ортаны жақсартуға және қалдықтарды тұрақты өңдеуге бағытталған жаңа жоба іске қосылды.
«Таза Қазақстан» республикалық бағдарламасы және «Алматы – біздің ортақ үйіміз» қалалық науқаны аясында жүзеге асып жатқан жоба тоқыма қалдықтарын жинау, сұрыптау және қайта өңдеуге бағытталған.
Қазір қалада 18 арнаулы контейнер орнатылды, жақында тағы 22-сі орнатылмақ. Болашақта жобаның қамту ауқымы Алматының басқа аудандарына да кеңейтіледі. Қазірдің өзінде 20 мың келіден астам тоқыма жиналды. Ол сұрыпталып, қала аумағында қайта өңделеді.
– Бұл материалдардан өнеркәсіпте қолданылатын қайта өңделген талшық пен сүрту шүберектері жасалады. Сонымен қатар жиналған киімнің шамамен 13%-ы қайырымдылық ұйымдарына беріледі, себебі олар әлі де киюге жарамды.Экологиялық бағалаулар бойынша жиналған көлемді қайта өңдеу 74 мың келіден астам CO₂ эквивалентінің ауаға таралуын болдырмауға мүмкіндік береді – бұл мөлшердегі көмірқышқыл газын бір жылда 3 730-дан астам ағаш сіңіре алады, - деп хабарлады әкімдіктен.
Бұған дейін Kazinform агенттігі Үкімет қабылдаған «Таза Қазақстан» экологиялық мәдениетті дамыту тұжырымдамасына аналитикалық шолу жасаған еді.
Былтыр ел аумағында 1,6 млн түп ағаш егілді.
