Алматылықтар қоғамдық көлікте қызмет көрсету сапасы артса, жол жүру үшін көбірек төлеуге дайын
АЛМАТЫ. KAZINFORM – Жолаушылар тасымалы кәсіпорындары қауымдастығында қала тұрғындары арасында Алматының қоғамдық көліктерінде жол жүру тарифін көтеру тақырыбында сауалнама жүргізілді. Белгілісі, қала әкімдігі ағымдағы 100 теңгені тағы 20 теңгеге арттыруды қарастыруда.
Көшедегі адамдарға «Қоғамдық көлікті пайдаланасыз ба, бұл салада не ұнамайды және қызмет көрсету сапасы жақсарған жағдайда, көбірек төлеуге дайынсыз ба?» деген сұрақтар қойылды.
Сауалнамаға қатысқан азаматтардың дені өз жауаптарында қоғамдық көлік негізгі қозғалыс тәсілі екенін атап өтті. Шағымдардың арасында автобустардың жиілігі алшақ екені және кейбір жүргізушілердің жүргізу тәсілі ұнамайтыны көбірек айтылды. Сонымен қатар, көптеген автобустар бүгінде өте ыңғайлы деген пікір білдірді.
Мысалы, Юлия Шаймарданова мен екі баласы күн сайын мектепке автобуспен қайтатынын айтты.
«Кешке жүргізушілер ережелерді жиі бұзады. Сондай-ақ, автобустардың көбірек жүргенін және балалар аялдамада жарты сағаттан көп тұрып қалмағанын қалаймын. Егер сапа жоғарыласа, мен жол жүру үшін көбірек төлеуге дайынмын», — деді ол.
