Алматы әкімдігі Рысқұлов даңғылын қала шекарасына дейін ұзарту жобасының картасын жариялады

АЛМАТЫ. ҚазАқпарат - Алматы әкімдігі Т. Рысқұлов даңғылын қала шекарасына дейін ұзату схемасын көрсетті, деп хабарлайды ҚазАқпарат тілшісі.

Алматы қалалық мобилділік басқармасының мәліметінше,Т. Рысқұлов даңғылын Ф.Оңғарсынова көшесінен қала шекарасына дейін ұзарту жобасы мемлекеттік сараптамадан өтті. Оның жалпы ұзындығы - 2,3 шақырым.

Сондай-ақ, осы жоба бойынша республикалық бюджеттен 100 млн теңге қаражат бөлуге өтінім берілді. Бірақ өтініш әлі мақұлданған жоқ.

«Қазіргі уақытта жерге орналастыру жобасы жер қатынастары басқармасымен бірге дайындалуда. Құрылыс-монтаж жұмыстары жер учаскелерін сатып алғанан кейін басталады», - деп хабарлады басқармадан.

Бұған дейін Алатау ауданының тұрғындары қала әкімімен кездесуде Т. Рысқұлов даңғылын Ф.Оңғарсынова көшесінен Үлкен Алматы айналма автомобиль жолына дейін ұзарту жобасын қайта қарауын сұраған еді.

Фото: Алматы қаласының әкімдігі