Алматы әкімі үздік тауар өндірушілерді марапаттады

  АЛМАТЫ. 1 тамыз. ҚазАқпарат - Бүгін Алматыда қала әкімі Ахметжан Есімов  Балуан Шолақ атындағы спорт сарайында өтіп жатқан «Қазақстанның үздік тауары» өңірлік көрме-байқауының жеңімпаздарын марапаттады.

Онда   «Өндірістік мақсаттағы үздік тауарлар» аталымында құрылыс саласында «Асфальтбетон1» ЖШС, машинажасау саласында «Келет» АҚ,  «Халық тұтынатын үздік тауарлар» аталымында медицина саласында  «Dosfarm» ЖШС,    «Үздік азық-түлік тауарлары» аталымдары бойынша «Ақсай» нан-бөлке комбинаты, «Обис компаниясы» ЖШС  жеңімпаз деп танылды. Өңірлік көрме-байқауының дипломанттарына әр аталымда 1-3 дәрежелі қала әкімінің дипломдары және бағалы сыйлықтар тапсырылды. Енді  өңірлік байқаудың жеңімпаздары ағымдағы жылдың қараша айында Астана қаласында өтетін «Қазақстанның үздік тауары» республикалық көрме-байқауына қатысады.