Алматы әуежайында қомақты валютасын декларацияламаған Иран азаматы ұсталды
АСТАНА. ҚазАқпарат - «Алматы» әуежайының бақылау-өткізу бекетінің шекарашылары валютасын декларацияламай өтіп бара жатқан Иран елінің азаматын ұстады.
Бұл туралы ҚР ҰҚК ШҚ баспасөз қызметінен хабарлады.
КС 911 рейсі бойынша «Алматы - Стамбұл - Тегеран» бағытымен ұшқалы тұрған Иран азаматын тексеру барысында декларацияланбаған 57 300 АҚШ доллары, 1 155 000 иран реалы, 440 түрік лирасы, 23 500 теңге табылды.
Ұсталған азамат пен валюталар «Жетысу» кеден бекетінің қызметкерлеріне тапсырылды.
