«Алматы» баскетбол клубы өз алаңында Ұлттық лигадағы ел чемпионатының көшбасшысымен сайысқа түсіп жатыр
Игорь Тихоненко жаттықтыратын алматылықтардың келесі қарсыласы ертең Ақтаудың «Каспий» командасы болмақ.
Алматылықтардың бас бапкері өз алаңындағы бұл ойындарда - Рүстем Мырзағалиев, Александр Кузнецов, Роман Кшнякин, Максим Марчук, Максим Отбозин, Александр Пашков, Максим Смирнов, белорусиялық қорғаушы Сергей Волк пен «Астана» командасынан ауысып келген Василий Савченко мен Артем Скорняковқа және Бауыржан Нұрланұлы, Сергей Шишкалов сияқты өзге де қазақстандық ойыншыларға үміт артып отыр.
Қазір Ұлттық лигадағы ерлер командалары арасында ХХ Қазақстан чемпионатында 18 ойыннан кейін 36 ұпаймен «Астана» көш бастауда. Одан кейінгі орында «Барыстар» (31 ұпай), «Тобыл» (25 ұпай) және «Атырау» (18 ұпай) командалары келе жатыр. Ал олардан 4 ойыны кем «Алматы» 21 ұпаймен бесінші және 19 ұпаймен «Каспий» алтыншы орында тұр.