Алматы-Бішкек тас жолында болған жол-көлік оқиғасының салдарынан бір адам мерт болып, төрт адам жараланды

АСТАНА. Қаңтардың 7-сі. ҚазАқпарат – Алматы облысының Қарасай ауданында Алматы-Бішкек тас жолының 33-ші шақырымында кеше,

қаңтардың 6-сында сағат 15.00-де «Ниссан» және «Фольксваген» көліктері соқтығысып қалды. «Ниссан» жүргізушісі оқиға орнында мерт болып, «Фольксваген» жүргізушісі мен оның үш жолаушысы түрлі жарақатпен ауруханаға түсті, деп хабарлайды ҚазАқпарат Төтенше жағдайлар министрлігінің баспасөз қызметіне сілтеме жасап.