«Алматы – Екатеринбург» тас жолындағы жол апатынан үш адам қайтыс болды
АЛМАТЫ. ҚазАқпарат – 15 тамыз күні «Алматы – Екатиринбург» тас жолында Қарағанды облысы Шет ауданы Ақсу-Аюлы кентінен 50 шақырым жерде жол-көлік оқиғасы болды, деп хабарлайды ҚазАқпарат.
Қарағанды облысы Полиция департаментінің мәліметінше, оқиға салдарынан 41 жастағы «Фольксваген Пассат» автокөлігінің жүргізушісі және оның екі жолаушысы алған дене жарақатынан оқиға орынында қайтыс болды. Сондай-ақ «Шевроле Кобальт» автокөлігінің жүргізушісі және екі көліктің жеті жолаушысы ауруханаға жеткізілді.
Аталған дерек бойынша Қазақстан Қылмыстық Кодексінің 345 бабы 4 тармағына сәйкес қылмыстық іс қозғалды. Тиісті сараптамалар тағайындалды.
Қарағанды облыстық Полиция департаменті көлік жүргізушілерден жол жүру ережелерін қатаң сақтауға, жылдамдықты шектен тыс асырмауға шақырады.
