Алматы халықаралық әуежайында қауіпсіздік шаралары күшейтілді (ФОТО)
АЛМАТЫ. ҚазАқпарат - Алматы қаласының халықаралық әуежайында қауіпсіздік шаралары күшейтілді. Бұл туралы бүгін әуежайдың ресми сайтында мәлім етілді.
«Бүгінгі таңда тексеру шараларының бірінші желісі іске қосылды. Қазір, әуежайдың жолаушы терминалына кіріп жатқан барлық азаматтар қосымша тексеріліп жатыр. Қауіпсіздік шараларының күшейтілуіне байланысты, Алматы халықаралық әуежайы жолаушыларды әуежайға ертерек келуді сұрайды», - делінген хабарламада.
Айта кетелік, Ақтөбе қаласындағы лаңкестік әрекеттерге байланысты Қазақстанда кеше 40 тәулікке лаңкестік қауіптіліктің бірқалыпты «сары» деңгейі енгізілді. 
