Алматы қаласында тағы жер сілкінді
АСТАНА. 3 маусым. ҚазАқпарат - Бүгін түнде Қырғызстан Республикасында жер сілкінді, жерасты дүмпулері Алматы қаласында сезілді.
Бұл туралы ҚР Төтенше жағдайлар министрлігінен хабарлады.
«ҚР Білім және ғылым министрлігі Сейсмология институтының мәліметінше, 3 маусым күні түнгі сағат 3-тен 6 минут кеткенде Қырғызстан Республикасының аумағында К=11,3 энергетикалық санатымен жер сілкінді. Зілзаланың кіндігі Алматы қаласынан оңтүстік-шығысқа қарай 152 шақырым жерде орналасты. Жерасты дүмпулері MSK-64 бағаны бойынша 2-3 балл қуатымен Алматы қаласында сезілді», - делінген таратылған хабарламада.
Құтқарушылар анықтағандай, құрбандар мен қираулар туралы ақпараттар түсіп жатқан жоқ.
