Алматы қаласының Алатау ауданында 9 адам иіс тиіп уланды

АСТАНА. 29 ақпан. ҚазАқпарат - Алматы қаласының Алатау ауданында 9 адам иіс тиіп уланды. Бұл туралы ҚР ТЖМ-нің баспасөз қызметінен хабарлады.

28 ақпан күні сағат 10.40-та Шаңырақ шағынауданының Жылысай көшесінде орналасқан жекеменшік тұрғын үйлердің бірінде пештің ақауы салдарынан 41 жастағы әйел, 45-тегі ер адам және 1, 2 жасар балалар иіс тиіп, ауруханаға жеткізілді.

Осы күні сағат 09.15-те Қарасу шағынауданының Высоковольтная көшесіндегі тұрғын үйде пештің ақауы салдарынан 30 және 23 жастағы әйелдер, 55 жастағы ер адам, 11 және 4 жасар балалар көмірқышқыл газына уланып, ауруханаға түсті.