«Алматы-Киев» рейсінің жолаушысы 9,2 мың еуроны жасырын алып өтпек болды
АСТАНА. ҚазАқпарат - «Алматы-Киев» рейсінің жолаушысы 9 мың 265 еуроны жасырын алып өтпек болды, деп хабарлады ҰҚК Шекара қызметінің баспасөз қызметі.
«Алматы» бақылау-өткізу бекетінің шекарашылары (Алматы қаласы) «Алматы - Киев» бағытында ұшатын ұшаққа шекаралық тексеру өткізу кезінде 1971 жылы туылған Қазақстан Республикасының азаматын ұстады. Оның қолжүгінің ішінде жарияланбаған валюта - 9 265 евроның бар екендігі анықталды», - делінген хсабарламада.
Аталған валюта «Жетісу» кедендік бекетінің қызметкерлеріне берілді. Ал Қазақстан Республикасының азаматына Әкімшілік-құқықбұзушылық кодексінің 551 бабының 3 тармағына сәйкес 10 айлық есептік көрсеткіш көлемінде айыппұл салынды.
