Алматы мектептерінде «Соңғы қоңырау» соғылды

АЛМАТЫ. Мамырдың 25-і. ҚазАқпарат /Ербол Азанбек/ - Бүгін Алматының барлық мектептерінде соңғы қоңырау шарасы өтті,

деп хабарлайды ҚазАқпарат.

Биылғы жылы Алматы мектептерін 9276 түлек бітіреді. Оның 2918-і қазақ тілді мектептердің түлегі болса, 6185-і орыс мектебінің, 173-і ұйғыр мектептерінің оқушылары. Балалардың 178-і «Алтын белгіден» үміткер. Жалпы Алматыда қазіргі кезде 181 мектепте 160 мыңға жуық оқушы білім алады.