Алматы неміс театры «Еркіндік» қойылымын ұсынды
АЛМАТЫ. 27 қараша. ҚазАқпарат /Ербол Тұрымбетов/ - Германияның Қазақстандағы жылы аясында кеше Алматыдағы «АРО» мәдениет үйінде Алматы неміс театрының «Еркіндік» қойылымы болды.
Режиссері - театрдың көркемдік жетекшісі Ирина Симонова. Бұл қойылымда өмір пәлсафасы мен адамның мәңгілік шынайы еркіндікке ұмтылуы көрсетіледі.
Спектакль неміс және ілеспе аудармамен орыс тілдерінде өтті. Қойылымда Apokaliptika тобының әуендері қолданылған. Театр труппасы ендігі кезекте заманауи еуропалық қойылымдарды көрсетуді жоспарлап отыр.
Германияның Қазақстандағы жылын Германия Сыртқы істер министрлігі Гете институтымен бірлесіп, METRO Cash&Carry, BMW, Gazprom Germania және Siemens компанияларының демеушілігімен өткізуде.
