Алматы облысында 2 жасар бала қазылған орға құлады
АСТАНА. ҚазАқпарат - Қайғылы оқиға кеше сағат 17:00-дер шамасында Жамбыл ауданының Ынтымақ ауылында болған, деп хабарлайды ҚазАқпарат ІІМ Төтенше жағдайлар комитетінің баспасөз қызметіне сілтеме жасап.
«Жеке үй аумағында үлкендердің қарауынсыз қалған бала қазылған орға абайсызда құлап кетіп, сол жерде жан тапсырды. Бала 2016 жылы туған», - деп хабарланды ведомство хатында.
Сондай-ақ, кеше Шығыс Қазақстан облысын Зайсан қаласында төтенше жағдай болды. Қатты отын жағатын жылу пешінің ақауынан 1959 және 1960 жылы туған екі тұрғынға иіс тиген және ауруханаға жеткізілген.
Фото: bloknot-volgodonsk.ru
