Алматы облысында әкесі абайсызда екі жасар баласын көлігімен басып кетті

АСТАНА. 8 қараша. ҚазАқпарат -Алматы облысының Ескелді ауданында орын алған қайғылы оқиға салдарынан екі жасар бала қаза тапты,

деп хабарлады Алматы облыстық ІІД баспасөз қызметінен.

«Сәбидің қаза болуына әкесі кінәлі болып шықты. Өз көлігімен артқа қозғалып келе жатқан ол жолында тұрған баласын байқамай басып кеткен», делінген хабарламада.

Қазіргі уақытта баланың қаза болуы фактісі бойынша жергілікті құқық қорғау қызметкерлері сот-медициналық сараптама тағайындап, тергеу алды тексеру жұмыстарын жүргізуде.