Алматы облысында Аshyq жобасы арқылы көптеген нысанның жұмысына рұқсат берілді
ТАЛДЫҚОРҒАН. ҚазАқпарат - Алматы облысында Аshyq жобасы арқылы көптеген нысандардың жұмыс істеуіне рұқсат берілді, деп хабарлайды ҚазАқпарат тілшісі.
Ashyq жобасы арқылы келесі кәсіпкерлік объектілердің жұмыс істеуге мүмкіндіктері бар:
- йога орталықтарын қоса алғанда, фитнес клубтары;
- спа орталықтары;
- сауналар, бассейндер;
- PlayStation клубтарын қоса алғанда, компьютер клубтары (16 жасқа дейінгі адамдарды қоспағанда);
- боулинг клубтары;
- кинотеатрлар;
- театрлар мен филармониялар;
- банкет залдарын, асхана типті объектілерді, фаст-фудтарды, стрит-фудтарды қоспағанда, қоғамдық тамақтану объектілері;
- облысаралық және қалалық тұрақты емес (туристік) тасымалдар;
- бильярд клубтары;
- концерт залдары;
- ерікті қатысушылар;
- караоке (2021 жылғы 5 мамырдан бастап);
- «жасыл» аймақтағы банкет залдары (2021 жылғы 5 мамырдан бастап) (толтырылуы бір залда 50 адамға дейін, 1 келушіге кемінде 4 ш. метр);
- көрмелер;
- океанариум;
- марафондар;
- көрермендермен спорттық іс-шаралар.
Қаулы бүгін шықты. Алматы облысының Бас мемлекеттік санитариялық дәрігерінің міндетін атқарушы Асхат Чарапиевтің 2021 жылғы 1 мамырдағы №12 қаулысы 4 мамыр күні күшіне енеді.
Естеріңізге сала кетейік, біз бұған дейін Алматы облысының кәсіпкерлері Аshyq қосымшасымен жұмыс істей бастағанын хабарлаған болатынбыз.
