Алматы облысында ауа райына байланысты тасжолдың бір бөлігі жабылды
ҚОНАЕВ. ҚазАқпарат - Алматы облысында ауа райына байланысты тасжолдың бір бөлігі жабылды, деп хабарлайды ҚазАқпарат «ҚазАвтоЖол» ұлттық компаниясына сілтеме жасап.
«Алматы облысында ауа райының нашарлауына байланысты «Көкпек-Кеген-Түп» тасжолының Аласа қиылысынан Кеген ауылына дейінгі аралығында көліктің барлық түрі үшін қозғалыс шектелді», - деп жазды ведомстводан.
Айта кетейік, бұған дейін ТЖМ Алматы мен Жамбыл облыстарында қардың күрт еруінен су жиналатынын ескерткен.
