Алматы облысында екі жаяу жүргінші көлік астына түсіп, опат болды - ТЖМ
АСТАНА. Желтоқсанның 20-сы. ҚазАқпарат - Төтенше жағдайлар министрлігінің мәліметтері бойынша, өткен тәулікте Алматы облысында көлік доңғалақтарының астына түсіп, екі жаяу жүргінші опат болды.
Атап айтқанда, сенбі күні Алматы облысы Талғар ауданының Нұра ауылында «Субару» көлігі 73 жастағы кейуананы қағып кетті. Төтенше жағдайлар ведомствосының ақпараты бойынша, қария ауруханада көз жұмды.
Сондай-ақ, кеше Алматы-Талғар тас жолының 9-шы шақырымында «Фольксваген» көлігінің жүргізушісі 28 жасар бойжеткенді қағып кетіп, жаяу жүргінші оқиға орнында қайтыс болды.
