Алматы облысында коронавирус инфекциясынан екінші адам жазылып шықты
ТАЛДЫҚОРҒАН. ҚазАқпарат- Бүгін Қарасай ауданындағы Қаскелең қалалық инфекциялық ауруханасынан короновирус диагнозы бойынша ем қабылдаған адам толық емделіп шықты, - деп хабарлайды ҚазАқпарат тілшісі облыс әкімінің баспасөз қызметіне сілтеме жасап.
1979 жылы туған әйел 27 наурыз күні ауруханаға түскен болатын. Хаттамаға сәйкес барлық ем-дом шараларын қабылдағаннан кейін, оған 13 сәуір күні екінші қайтара жасалған талдау нәтижесі теріс болып шықты.
Емделуші Ресейдің Санкт-Петербург қаласынан келген. Пациент 6 адаммен қарым-қатынаста болған. Олардың барлығы дәрігерлердің бақылауында болды.
Еске салсақ, 14 сәуірдегі жағдай бойынша Алматы облысында Covid19 инфекциясынан екі адам емделіп шықты. Олардың екеуі де - Қарасай ауданының тұрғындары.
