Алматы облысында КВИ анықталған алты кісі 42 адаммен байланыста болған
ТАЛДЫҚОРҒАН. ҚазАқпарат - Алматы облысының Іле ауданында 6 тұрғын COVID-19 инфекциясын жұқтырғаны анықталды. Олардың барлығы да бұған дейін сырқаттанған науқаспен байланыста болғандар, деп хабарлайды ҚазАқпарат тілшісі Алматы облысы әкімінің баспасөз қызметіне сілтеме жасап.
Олар - 1992, 1983, 1984, 1985, 1984 және 1975 жылы туған азаматтар. Олармен 42 адам байланыста болған. Олар оқшауландырылып, індет ошақтарына дезинфекция жүргізілді. Эпидемиологиялық зерттеулер жалғасуда.
6 науқас Қарасай аудандық орталық аурухананың инфекциялық бөліміне жатқызылды.
Жалпы, Алматы облысында індет жұқтырғандар саны -156-ға, ал жазылып шыққандар саны – 30 ге жетті.
