Алматы облысында мал ұрлаған 8 адамға үкім шықты
ТАЛДЫҚОРҒАН. ҚазАқпарат - Алматы облысындағы Кербұлақ ауданының №2 аудандық сотында сегіз айыпталушыға қатысты қылмыстық іс қаралды. Сотталушылар бес жыл бойы Кербұлақ аумағында мал ұрлап келген, деп хабарлайды ҚазАқпарат облыстық соттың баспасөз қызметіне сілтеме жасап.
Істің материалдары бойынша, сотталушылар 10 эпизод бойынша ұрлық жасап, жәбірленушілерге жалпы құны 3 245 000 теңге залал келтірген.
Аталған қылмыстық іс бойынша процестік прокурор мен сотталушылар арасында кінәні мойындау және материалдық шығынды өтеу туралы мәміле түріндегі келісім жасалған.
Сот үкімімен сотталушылар ҚК 188-бабының 3 бөлігімен, 188-бабы 2- бөлігінің 1, 2 тармақтарымен кінәлі деп танылып, оларға 3 жыл 6 ай мерзімге бас бостандығынан айыру жазасы тағайындалды. ҚК-нің 63-бабының негізінде бас бостандығынан айыру жазасы шартты деп саналды.
Үкім заңды күшіне енген жоқ.
