Алматы облысында үш ауысымды мектептер саны азаймай тұр

ТАЛДЫҚОРҒАН.ҚазАқпарат - Былтыр Алматы облысында 33 мектеп пайдалануға берілген. Алайда үш ауысымды мектептер саны әлі де азаймай тұр. Мұндай 27 білім ордасы бар, деп хабарлайды ҚазАқпарат тілшісі.

Жалпы Алматы облысында 758 мектеп болса, білім шаңырақтарында 373035 оқушы оқиды. Оларға 34735 мұғалім қызмет көрсетуде. Оның ішінде 4182-сі немесе мұғалімдердің жалпы санының 12%-і жас мамандар. Жоғарғы және бірінші санаттағы мұғалімдердің үлесі 51,6%-ке жетті. Білім мазмұнын жаңарту шеңберінде біліктілікті жоғарылату курстарынан 2017 жылы 13329 педагог өткен. Ал ҰБТ қорытындылары бойынша мектеп бітірушілердің орташа балы 77,3-ті құрады. 590 түлек «Алтын белгі» иеленді, 528 оқушы «Үздік аттестат» алды.

Айта кету керек, дәл қазір Алматы облысының әкімі Амандық Баталов халық алдында есеп беруде.


Фото: astana.gov.kz