Алматы облысында үш жұмысшы пропан газына уланып қалды
АСТАНА. Ақпанның 10-ы. ҚазАқпарат - Қапшағайда күл-қоқыс тастайтын полигонда «Іскер-Т» жауапкершілігі шектеулі серіктестігінің үш жұмысшысы пропан газына уланып, қайтыс болды,
деп хабарлайды ҚазАқпарат Төтенше жағдайлар министрлігінің баспасөз қызметіне сілтеме жасап. Жазатайым оқиға кеше, ақпанның 9-ы күні таңертең орын алды. Ведомстводан нақтылағандай, 44 жастағы ер азамат пен 21-22 жастағы екі жас жігіт тұрмыстық газ жылытқышының баллонынан шыққан газға уланып, оқиға орнында көз жұмған.
