Алматы облысындағы көлік жолының учаскесі жабылды

АЛМАТЫ. 1 желтоқсан. ҚазАқпарат - Алматы облысындағы көлік жолының учаскесі жабылды, деп хабарлайды ҚР Көлік және коммуникациялар министрлігінің баспасөз қызметінен.

Атап айтқанда, ағымдағы жылдың 30 қарашасындағы сағат 18:00-дегі жағдай бойынша ауа райының қолайсыз жағдайы - қар, бұрқасын және шектеулі көрінушілік салдарынан Алматы облысындағы «Үшарал-Достық» тас жолының 93-184 шақырымдарында көліктің барлық түрлері үшін қозғалыс жабылды.