Алматы облысының Кеген ауданында күре жолды су шайып кетті
ҚОНАЕВ. ҚазАқпарат - Алматы облысының Кеген ауданында республикалық маңызға ие жол жиегін су шайып кетті, деп хабарлайды ҚазАқпарат тілшісі.
«Алматы облысының Кеген ауданында республикалық маңызы бар Көкпек - Кеген - Түп - Жалаңаш - Саты - Көлсай көлі жолының 10-11 шақырым аралығындағы жиекті 23 маусым күнгі нөсер жаңбыр шайып кетті. Аталған учаскеде жол қауіпсіздігін қамтамасыз ету мақсатында төтенше жағдайлардың алдын алу мекемесі, аудан әкімшілігі, полиция қызметкерлері, ДЭУ-91 мекемесінің өкілдері тарапынан кезекшілік ұйымдастырылып, жол қозғалысы қалпына келтірілді. Жол қауіпсіздігін қамтамасыз ету мақсатында табиғат салдарынан орын алған жағдайды қалпына келтіру жумыстары жүргізілуде»,- делінген Кеген ауданы әкімінің баспасөз қызметінің хабарламасында.
