«Алматы - Өскемен» автожолында жүк көліктерінің қозғалысына тыйым салынды

СЕМЕЙ. ҚазАқпарат - Абай облысында ауа райының бұзылуына байланысты жолда жүруге шектеу қойылды, деп хабарлайды ҚазАқпарат.

Бұл жайында Төтенше жағдайлар министрлігінің ресми өкілі Руслан Иманқұлов мәлім етті.

Оның айтуынша, 16 қараша түнгі сағат 22.40-тан бастап республикалық маңызы бар «Алматы - Өскемен» тасжолының 778-967 шақырым арылығында тіркемесі бар жүк көліктерінің қозғалысына тыйым салынған.

Бұл - Аягөз қаласы мен Қалбатау ауылының арасындағы учаске.

Оған себеп - қарлы боран, жолда ештеңе көрінбейді.