Алматы-Өскемен тас жолында жол-көлік апатының салдарынан төрт адам қаза тапты

АСТАНА.  Шілденің  13-і. ҚазАқпарат -   Алматы  облысында  орын алған  жол-көлік  оқиғасында  алты адам  зардап шекті,  

деп хабарлайды   ҚазАқпарат Төтенше жағдайлар  министрлігінің баспасөз қызметіне  сілтеме  жасап.

Кеше,  шілденің  12-сінде  таңғы сағат 5-терде   Алматы-Өскемен тас жолының  530-шы шақырымында    «Тойота»  және  «Мерседес»  көліктері соқтығысып  қалды. Жол-көлік  оқиғасының салдарынан  «Мерседес» көлігінің   жүргізушісі мен   оның  үш  жолаушысы  оқиға орнында көз жұмды.   Ал «Тойота»  көлігінің  жүргізушісі мен  «Мерседестің» тағы бір жолаушысы  ауруханаға  түсті.