Алматы полицейлері одорологиялық сараптамалардың көмегімен 14 қылмысты ашқан
АЛМАТЫ. ҚазАқпарат - Алматы Полициясы жыл басынан бері одорологиялық сынаманың көмегімен 14 қылмысты ашқан, деп хабарлайды ҚазАқпарат тілшісі.
Одорология бөлімі криминалистиканың қылмыс орнынан иіс анықтау мен тәркілеумен айналысады.
Алматы қаласының ПД Жедел-криминалистикалық басқармасында бастап одорологиялық зертхана 1998 жылдан жұмыс істейді. Бұл бөлімде иістер сақталады және зерттеледі.
«Одорология – иістер туралы ғылым. Қылмыс орындарынан біз иістерді алып, одорологиялық зертханаға жеткіземіз. Одоролог мамандар оқиға орнына Алматы қаласының ПД жедел-тергеу тобының құрамында шығады. Алматы ПД одорология зертханасы – Қазақстандағы ең озық үлгідегі зертханалардың бірі. Зертхана ашылғалы бері көптеген ауыр және аса ауыр қылмыстардың ашылуына ықпал етті. Мысалы, 2020 жылдың бірінші жартыжылдығында мамандар 15 сынама өткізді, оның 14-і оң нәтиже берді», – деді Алматы қаласының ПД Жедел-криминалистикалық басқармасының аға криминалисі Натаван Алиева.
Маманның айтуынша, иіс іздері шыны ыдысқа салынған стерильді фланельде сақталады.
«Зерттеулер инспектор – кинолог және арнайы үйретілген ит – биодетектор қатысатын Алматы қаласының ПД Кинологиялық орталығының базасында жүзеге асырылады. Иттің иіс сезу қабілеті адамға қарағанда 700 есе артық. Зерттеулердің бұл түрі өзектілігін жоймайды, себебі адам кез-келген нысанмен түйіскен кезде оның жеке исі сол жерде міндетті түрде қалады», – деді Натаван Алиева.
