Алматы тауларында көшкін жүріп, екі адам қардың астында қалды

АЛМАТЫ. ҚазАқпарат- Құтқарушылар «Молодежный» шыңында қар көшкінінің астында қалған екі адамды іздестіріп жатыр, деп хабарлайды ҚазАқпарат тілшісі.
None
None

Алматы қалалық төтенше жағдайлар департаментінің мәліметінше, бүгін түскі сағат 13:28 шамасында Алматы қаласының «109» құтқару қызметі Медеу ауданы, Тұйықсу жоғары таулы аймағында «Молодежный» шыңында қар көшкіні түскені туралы ақпарат алды.

Алдын ала ақпарат бойынша көшкін астында 2 адам қалып қойған.

Алғашқы іздестіру жұмыстарына 109-құтқару қызметінің құтқарушылары жұмылдырылды.

«Қазіргі уақытта ТЖД басшылығы мен Республикалық жедел құтқару жасағынан, Қазселденқорғау, құтқару қызметінің мамандары оқиға орнында жұмыс істеп жатыр. Барлығы 26 адам, 6 техника, 2 кинологиялық топ жұмылдырылды»,- деп хабарлады ведомствадан.


Соңғы жаңалықтар