Алматы-Тбилиси рейстері маусымнан бастап күн сайын қатынайды
АЛМАТЫ. ҚазАқпарат - 2017 жылдың маусым айынан бастап, «Эйр Астана» ұшақтары Алматы мен Тбилиси бағытында күн сайын ұшатын болады, деп хабарлайды ҚазАқпарат тілшісі, әуе компаниясының баспасөз қызметіне сілтеме жасай отырып.
«2 маусымнан бастап, Алматы-Тбилиси бағытындағы рейстер күн сайын қатынайтын болады. Ал, Астана мен Тбилиси бағытындағы рейстер көбейтіліп, аптасына 4 рет ұшады», - делінген хабарламада.
Әуе компаниясы қызметкерлерінің хабарлауынша, Астана-Тбилиси бағытындағы ұшақтар сейсенбі, сәрсенбі, жұма, жексенбі күндері ұшады.
