Алматы тұрғыны киіктің 149 дана мүйізімен ұсталды

АСТАНА. ҚазАқпарат - ҚР АШМ Орман шаруашылығы және жануарлар дүниесі комитетіне қарасты «Охотзоопром» өндірістік бірлестігінің инспекторлары ІІД қызметкерлерімен бірлесіп, рейдтік іс-шаралар жүргізу барысында Батыс Қазақстан облысы аумағында «Isuzu Pesaro» автокөлігін басқарған Алматы қаласының тұрғынын тоқтатты.

Бұл туралы ҚР АШМ баспасөз қызметі хабарлады.

Аталған автокөлікті тексеру барысында 149 дана ескі киік мүйіздері, «Kenwood» рациясы, «Шарк» тапаншасы, 6 дана оқ пен аңшы пышағы табылып, тәркіленді Осы факт бойынша материалдар құқық қорғау органдарына жолданды.