Алматы тұрғыны Шу алқабында 607 килә есірткімен қолға түсті
АЛМАТЫ. Маусымның 3-і. ҚазАқпарат /Ербол Азанбек/ - «Мак-2010» жедел-сауықтыру шарасы барысында Шу ауданының Сарғау елді мекенінде есірткі жинап жүрген 32 жасар алматылық ұсталды.
Бұл туралы ҚазАқпарат тілшісіне Оңтүстік Шығыс көліктегі ІІД-інің баспасөз қызметінен хабарлады.
Ерлан есімді алматылықты тұтқындау барысында одан 9 қапқа салынған, жалпы салмағы 607 килә есірткі шөбі табылған.
Күдіктінің айтуынша, ол Шу алқабына есірткі жинау үшін арнайы келіпті. Марихуананы 3 жылдан бері пайдаланатын оның үстінен қылмыстық іс қозғалған.
