Алматы және Жетісу облыстарының шекаралары жөнінде Қаулы шықты
АСТАНА. ҚазАқпарат - Алматы облысының шекарасын өзгерту және Жетісу облысының шекарасын белгілеу туралы ҚР Премьер-Министрінің Қаулысы шықты, деп хабарлайды ҚазАқпарат primeminister.kz сайтына сілтеме жасап.
Қаулыға сәйкес, Алматы облысының шекарасы оның аумағынан Жетісу облысының 11848,3 мың гектар жерін шығару жолымен өзгертіледі.
Сондай-ақ осы құжатпен Жетісу облысының шекарасы белгіленетін болады.
Тиісті шараларды қабылдау екі облыстың әкімдіктеріне жүктелді.
Қаулы алғашқы ресми жарияланған күнінен бастап қолданысқа енгізіледі.
