Алматы зообағы тағы бір аңмен толықты

АЛМАТЫ. ҚазАқпарат - Алматының хайуанаттар бағын мекендеуші жануарлардың қатары толығып жатыр, деп хабарлайды ҚазАқпарат.

Алматы зообағына мамандар Қарағанды хайуанаттар бағынан тау арыстанының (пума) күшігін алып келді.   

«Зообақтар арасында жұптарын толықтыру немесе артық аңды басқаға айырбастау секілді өзара жануарлармен алмасатын тәжірибе бар. Осы тәсілмен бізге Қарағанды зообағынан 6 айлық пуманың күшігі әкелініп, бізден оларға Батыр атты жолбарыс берілді», - деді Алматы зообағының баспасөз қызметінен.

Жаңадан келген жануарға Хангира деген ат берілген. Қазір тау арыстанының күшігіне жақсы күтім жасалып жатыр.