Алматыда 12-17 жас аралығындағы балаларды вакциналау жалғасуда
АЛМАТЫ. ҚазАқпарат - Алматыдағы И. С. Жекенов атындағы қалалық клиникалық жұқпалы аурулар ауруханасының бас дәрігерінің емдеу жұмысы жөніндегі орынбасары, инфекционист дәрігер Тамара Ұтағанова ӨКҚ алаңында өткен брифингіде жасөспірімдерді вакцинациялауға қатысты сұрақтарға жауап берді, деп хабарлайды ҚазАқпарат тілшісі.
Спикердің сөзінше, қалада 12-17 жас аралығындағы балаларды вакциналау жалғасуда. Бүгінгі күні Comirnaty вакцинасын 16 610 жасөспірім алды. Алайда, осы уақытқа дейін көптеген ата-аналар балаларына COVID-19 вакцинациясы қажет пе, жоқ па және жанама әсерлерден қорқады.
Тамара Ұтағанованың айтуынша, «дельта» вирусының таралуынан бастап, жасөспірімдер де инфекцияны жұқтыра бастады: өкпе зақымдануымен аурудың ауыр жағдайлары пайда болды. Сонымен қатар, жұқтырған балалар инфекцияның қосымша көзі болып табылады. Олар туыстарын, вакцинацияланбаған және қарттарды жұқтыруы мүмкін.
«Бұл ДДҰ ұсынысы 12 жастан кейін баланың ағзасы ересек адамға ұқсас болады. Жасөсіпірімдер үшін вакцинация өте маңызды. Сондықтан бәріне, балаларға да, жүкті әйелдерге де егу керек. Бүгін Алматыда осы санаттағы адамдарды вакцинациялаудың жанама әсері тіркелген жоқ», - деп атап өтті Тамара Ұтағанова.
Инфекционист жасөспірімдерді вакциналау иммундық қабатты күшейтіп, кейінгі COVID-19 толқындарынан қорғайтынына сенімді.
