Алматыда 131 адам инфекциялық стационарда ем алып жатыр

АЛМАТЫ. ҚазАқпарат - Алматыда 12 шілдедегі жағдай бойынша 280 адам КВИ жұқтырды. Оның 268-і симптомдық белгілермен, 12-сі симптомсыз. Бұл туралы Алматы қаласы Қоғамдық денсаулық сақтау басқармасы мәлім етті, деп хабарлайды ҚазАқпарат тілшісі.

Ведомствоның мәліметіне сәйкес, Алматының инфекциялық стационарларында 131 пациент ем алуда.

«Бүгінгі таңда Бірінші медициналық-санитарлық көмек пен Телемедицина орталығы дәрігерлерінің бақылауында 1 687 науқас бақылануда. Олардың ішінде жеңіл және орташа ауырлық дәрежесінде - 1524, симптомсыз 163 науқас бар», - делінеді хабарламада.

Сондай-ақ, вакцинация бойынша бүгінгі ақпаратқа сәйкес, қалада бір тәулікте вакцинаның I компонентімен – 502, II компонентпен 348 адам егілді. Ревакцинациядан 1 895 адам өтті.

«2021 жылдың ақпан айынан биылғы 12 шілдеге дейін қалада I компонентпен 1 230 769 адам, II компонентпен 1 195 607 адам вакциналанды. 2021 жылдың қараша айынан биылғы 12 шілдеге дейін 505 348 адам ревакцинациядан өтті. Қазіргі таңда Pfizer (Comirnaty) вакцинасымен 117 649 адам егілді.

«Қала бойынша вакцинаның қалдығы: Vero Cell – 183 012 доза, Pfizer – 11 820 доза, QazVac – 40 793 дозасын құрайды. Бүгінгі таңда қалада 85 вакцинация пункті жұмыс істейді. 99 вакцинация бригадасында 313 медицина қызметкері жұмылдырылды» – деп хабарлады ведомтсводан.