Алматыда 16 жастағы оқушы қыз бір аптадан соң табылды
АЛМАТЫ. ҚазАқпарат - Алматыда бір апта бұрын жоғалып кеткен 16 жастағы оқушы қыз табылды, деп хабарлайды ҚазАқпарат тілшісі.
«Бостандық ауданы ІІБ қызметкерлері Екатерина Клименконың достарын түгел тексерген соң, қызды аман-есен тапқан. Қазіргі уақытта ол ата-анасының қасында. Жасөспірім оқушы үйден өзі кетіп қалғанын және осы уақытқа дейін достарының жанында болғанын айтқан», - деп мәлім етті Алматы ІІД баспасөз қызметінің басшысы Салтанат Әзірбек.
Еске сала кетейік, 11 маусым күні Екатерина Клименконың ата-анасы полицияға балаларының жоғалып кеткені туралы шағым түсірген. Қыз бала 6 маусым күні үйінен кетіп қалған және содан кейін одан еш хабар болмаған. Ұялы телефоны өшірулі болған.
Автор: Асель Асанова
